Es het gschneit, was vom Himel ahe möge het. Fäcke schier wi Wäschlümpe sy langsam u sittig cho z’ryte u hei wi wyßi Pfyffölter mit lyse Füeßlinen uf de zartgrüenne Grasspitzen abgstellt.
Im Zugersee het si der früsch usbrochnig Loubwald wunderbar gspieglet, em Vierwaldstetter noh sy d’Chirschbäum i voller Bluescht gstange, u ou die erschte Birebäum hei scho blüeit.