Still isch’ worde, mi hätt chönne Flachssoomme säje. All hei d’Häls vüregstreckt wie der Neuhuus-Güggel, wenn er alben es Haberchörndli erlickt het. Sie sy vor Gwunger schier vergitzlet.
Dermit isch ’s Luege, Useläsen u Handle zgrächtem aggange, u d’ Tuechhutten isch nid schlächter bsetzt gsi weder der Neuigkeitesack, weiß der lieb Stäffe, was alls drinne het Platzg gha.