Chlynburetöchtere hei süsch nid grad e Vorliebi, für uf em Land z’diene, wil’s süscht de heißt: Es isch numen es Jumpfräuli! u derby liecht vergässe wird, daß sie ou no amenen Ort deheime sy.
Es het gschneit, was vom Himel ahe möge het. Fäcke schier wi Wäschlümpe sy langsam u sittig cho z’ryte u hei wi wyßi Pfyffölter mit lyse Füeßlinen uf de zartgrüenne Grasspitzen abgstellt.